Ракетата на Илон Маск успешно лансирана од Флорида
Ракетата на Илон Маск со двајца американски астронаути во посадата успешно е лансирана од вселенскиот центар „Кенеди“ во Флорида, означувајќи почеток на нова ера во патувањата во вселената.
Изградена од „Спејс-Екс“, првпат во историјата една приватна компанија испрати ракета со човечки екипаж во вселената. Во новата капсула „дрегон“ се наоѓаат едни од најискусните американски астронаути Даг Харли и Боб Бенкен, кои ќе поминат неколку недели на Меѓународната вселенска станица. Се очекува летот да трае 19 часови.
„Апсолутна чест е да се биде дел од овој огромен напор. Ќе зборуваме повторно од вселената“, изјави Харли непосредно пред лансирањето, прво од американска почва од 2011 година.
Историскиот лет оригинално требаше да се случи во средата, но беше откажан на 17 минути пред лансирањето поради лошо време.
Маск се надева дека ова е почетокот на комерцијалните летови и на „такси“ превозот во ниската орбита на Земјата.
Ново на Сител
-
Протест на земјоделците во Брисел со барање за „силен“ буџет за земјоделството
-
Кубилиус: Историските спорови не треба да се решаваат со блокирање на кандидатите за членство во ЕУ
-
Фон дер Лајен: ЕУ ќе им овозможи на кандидатите за членство целосен пристап до средства од инструментот „Глобална Европа“
-
Лишена од слобода лекарка од Битола заради примање поткуп
-
Божиновска за ветерниот парк кај Штип: Силен сигнал за стабилни инвестиции и зелена транзиција
-
Медиуми: Франција и Италија одбиваат да купуваат американско оружје за Украина преку НАТО
-
ОЈО Битола постапува во случајот со примање поткуп во Болницата во Битола, повеќе детали се најавуваат за утре
-
Пожар од прскалка на роденденска забава во Свети Николе