Рајн-Некар и Мешков Брест го отвораат 12. коло во ракометната Лига на шампионите

 

 Со натпреварот меѓу германскиот Рајн-Некар и белорускиот Мешков Брест, кој ќе се игра попладнево од 18.30 часот, ќе биде отворено 12. коло во ракометната Лига на шампионите.

 

Ова е натпревар од Б групата во која во сабота македонскиот шампион Вардар пред својата публика во СЦ „Јане Сандански“ ќе игра против словенечкиот Целје.

 

Истиот ден ќе играат и ППД Загреб – Кристијанштад, додека за в недела е закажана средбата Киелце – ПИК Сегед.

 

Двојките од А групата се: Веспрем - Висла Плок, Кил – Силкеборг, ПСЖ – Кадетен Шафхаузен (сабота) и Барселона – Фленсбург (недела).

 

Табела - А група: Барселона 20 бода, ПСЖ 18, Веспрем 12, Фленсбург 11, Кил 11, Висла Плок 8, Силкеборг 4 и Кадетен Шафхаузен 2.

 

Табела - Б група: Вардар 16 бода, Рајн-Некар 15, Киелце 14, Пик Сегед 13, Мешков Брест 12, Цеље 7, Кристијанштад 6, ППД Загреб 5.