Рајчкото светилиште го чува Светиот крст
Познатиот дебарски манастир „Свети Георгиј Победоносец“, кој се наоѓа во селото Рајчица, денеска го прославува големиот православен празник посветен на Воздвижението на чесниот и животворен Крст Господов, а кој народот традиционaлно го нарекува Крстовден.
Оваа манастриска слава е поврзана и со денот кога пред петнаесетина години почнало возобновувањето на конаците. Симболиката на тој ден беше уште поголема, бидејќи, според преданието, токму на Крстовден биле поставени темелите на стариот претходен манастир.
Во овој манастир 179 години се чува дел од крстот на кој е распнат Исус Христос и на кој верниците традиционално му се поклонуваат.
- Секогаш кога доаѓам тука се поклонувам пред него, како и целиот православен свет и како што велат ја пренесуваме пораката дека Крстот на Распнатиот и Воскреснатиот е оружје на мирот, наша пофалба, наша утеха, сигурност и заштита, наше ослободување, вели Љупчо Петревски од селото Татар Елевци, кој е во Рајчица за време на одбележувањето на празникот.
Со архиерејската литургија во манастирот ќе чиноначалствува неговото високопреосвештенство, митрополит Дебарско-кичевски, г. Тимотеј. По традиција се очекува големо присуство на верници од повеќе градови од земјава.
Ново на Сител
-
Уставниот суд ќе ја одржи 15. седница
-
Арсенал се надева дека Жоргињо ќе го продолжи договорот
-
„Данас“/Соговорници: Вучиќ покажува дека ја презира работничката класа
-
Земјотрес од четири степени во поширокото подрачје на Лос Анџелес
-
Русија достави резолуција до ОН за забрана на оружјето во вселената
-
При уривање на автопат во јужна Кина загинаа 36 лица
-
Уште пет дена кампања за претседателските и парламентарните избори
-
Советот за човекови права на ОН ќе расправа за состојбата во Северна Македонија