Радев: Непримерно е Македонија да поставува ултиматуми

 Крајно непримерно е да ѝ се поставуваат ултиматуми на Бугарија – рече претседателот на Бугарија, Румен Радев, коментирајќи ги последните изјави на шефот на дипломатијата Бујар Османи, дека до јуни има можност да се развијат односите меѓу Македонија и Бугарија.

„Крајно е несоодветно и нездраво да се зборува за Бугарите и да се поставуваат некои ултиматуми. Притисокот беше уште поголем минатата година. Јас и преодната Влада го продолживме овој притисок со два последователни совета за проширување. Многу добро ги објаснивме позициите на Бугарија, и тие се прифатени. Само треба да се бранат. Станува збор за човекови права, копенхашки критериуми, говор на омраза. Тоа се работи кои не се компатибилни со европските принципи и вредности“, рече тој.