Радев денеска го распушти бугарскиот Парламент, новите избори на 2 април
Бугарскиот претседател, Румен Радев, денеска го распушти парламентот на земјата и најави предвремени избори за 2 април.
Радев назначи и преодна влада пред вонредните парламентарни избори, петти во Бугарија во последните две години, јавија медимите кај источниот сосед.
Радев повторно го назначи 55-годишниот политичар Галаб Донев, за премиер на привремената влада додека следниот парламент не ја избере новата влада.
Назначувањето доаѓа откако трите најголеми политички групи во длабоко поделеното Национално собрание не успеаја да најдат заеднички јазик за одржлива коалициска влада по последните предвремени избори, одржани во октомври.
Десничарската партија ГЕРБ на поранешниот премиер Бојко Борисов освои 67 пратенички места, повеќе од која било друга партија, но не и мнозинство во 240-члениот парламент.
Другите партии одбија да формираат сојуз со ГЕРБ поради обвинувањата за корупција и наводниот неуспех на партијата да ги спроведе реформите кога беше на власт.
Либерална партија, Промените продолжуват и социјалистите не најдоа доволно поддршка за формирање влада.
Ново на Сител
-
Лога го потпиша решението за неусогласеност на името на Здружението ,,Цар Борис III “ Охрид
-
Земјотрес почувствуван во Штип и околината
-
ДПИ: Извршени над 500 инспекциски надзори, наплатени над 180 прекршоци во вредност од над 6.500.000 денари
-
Муцунски: Зголемувањето на платата целосно ќе го донирам во хуманитарни цели и за семејствата на уставобранителите
-
Уапсени 10 лица од Скопје, Тетово и Велес кои сексуално злоупотребувале малолетничка
-
Битиќи: Економијата не може да чека, потребни се работници веднаш
-
Маричиќ во работна посета на Шведска
-
Бугарија: Нови закани за поставени бомби низ училишта