Работници и доверители ја блокираа фабриката „Зона Трико“ во Виница
Работниците и доверителите ги блокираа влезовите на текстилната фабрика „Зона Трико“ од Виница за да го спречат изнесувањето машини и опрема од производните хали. Во компанијата дојде и стечајниот управник со решение од судот дека сопственикот на фабриката не смее да отуѓува ниту еден дел од имотот.
Над 150 вработени со години чекаат да ги добијат заостанатите осум плати, а во 2016 година за четири месеци работење им бил исплатуван надомест од по 1 денар.
- Камионите се во кругот на фабриката за да ги однесат машините, а сопственикот го нема да каже кога ќе ни го плати трудот. Поднесовме и кривична пријава. Одговор се уште нема, но не се откажуваме, рече Лилјана Стоименова, работничка од „Зона Трико“.
На протестот се придружија и доверителите кои извршувале услуги за „Зона Трико“, а подолг период чекаат да им бидат платени побарувањата.
- Веќе две и пол години чекам да ми бидат исплатени 50 илјади евра за транспортот на стоката до Германија. На други фирми им должат трипати повеќe. Вкупниот долг кон доверителите е еден милион евра, тврди Моне Стојков, управител на транспортната компанија „Партнер“ од Виница.
Доверителите бараат судот и надлежните институции да го спречат изнесувањето на машините од виничката текстилна компанија и да се преземат законски мерки за досегашното прекршување на решението што го донел судот.
Ново на Сител
-
Арбен Таравари: Граѓаните масовно излегуваат, што е добар знак за опозицијата
-
Стевчо Јакимовски: Најголема штета се прави на Македонија, ако не се излегува да се гласа
-
Билјана Ванковска: Првиот и најважен чекор е граѓаните да гласаат, а каков избор ќе направат ќе видиме вечер
-
Максим Димитриевски: Посакувам да победи демократијата и Македонија
-
Бујар Османи: Граѓаните се исправени пред две опции, пред изолацијата или интеграцијата
-
Силјановска-Давкова: Дојде време, дојде час да си замине оваа власт
-
Пендаровски: Се надевам дека гласањето ќе биде со запазување на највисоките европски и меѓународни стандарди
-
Излезноста до 18 часот е 47,61 отсто