Работна средба помеѓу претставници на Централниот регистар и Нотарската комора
Унапредувањето на соработката меѓу Централниот регистар (ЦР) и Нотарската комора (НК) било тема на денешната средба меѓу директорот Андреа Поповски и претставници на Комората.
Како што се наведува во соопштението, Поповски и нотарите ја поздравиле досегашната одлична соработка, како и отвореноста на Централниот регистар за сугестиите и барањата на нотарите како професионална заедница.
- Особено беше истакната соработката при воспоставувањето на системите за електронско поднесување во Заложниот регистар и во Регистарот за лизинг, преку кои што веќе се извршени над 300 трансакции за издавање информации и вршење уписи од страна на нотарите, кои се подносители во регистрите, се посочува во соопштението.
Претставниците на ЦР и НК, изразиле задоволство и од функционирањето на системите, при што Поповски истакнал дека при електронското поднесување се задржани сите функционалности во регистрите, а истовремено е овозможено поднесување од кое било место по електронски пат, без потреба од физичко присуство во некоја од регионалните регистрациони канцеларии на Централниот регистар.
Централниот регистар и Нотарската комора се заложиле за продолжување на тесната соработка, во насока на подобрување на условите за водење бизнис и зголемување на правната сигурност во Република Македонија.
Ново на Сител
-
Мицкоски: Тензиите околу црквата во Врапчиште се дел од обидите за дестабилизација
-
Собранието ја почна процедурата за измени во Законот за локална самоуправа
-
Мицкоски: Ќе почекаме политичка влада во Бугарија, македонските ставови се јасни
-
Следната недела ќе се донесе есенска кошница со 100 производи
-
Дури 80 проценти од граѓаните од свој џеб си ги плаќале лековите кои им ги дале лекарите
-
Дали оптимизацијата на училиштата ќе ја извади Македонија од образовната криза?
-
Боки 13 повторно на обвинителна клупа за „Меѓународен сојуз“
-
Преглед на вестите од светот