Путин понуди помош за пронаоѓање на аргентинската подморница

Рускиот претседател Владимир Путин го охрабри аргентинскиот колега Маурисио Макри околу исчезнувањето на подморницата Сан Хуан во јужниот дел на Атлантскиот Океан и понуди помош во операциите за потрага и спасување, соопшти синоќа Кремљ.

- Владимир Путин го охрабри претседателот на Аргентина, Маурисио Макри во врска со исчезнувањето на подморницата Сан Хуан во Атлантскиот Океан. Руската страна понуди помош во потрага и спасување. Тие се согласиле дека министерствата за одбрана на двете земји ќе одржуваат контакт во врска со тие прашања, се наведува во соопштението.

Подморницата исчезна на 15 ноември, на која се наоѓале 44 членови на екипажот.