Путин: Непланираните проверки на војската мораат да бидат продолжени

Праксата на одржување на непланирани проверки на руските вооружени сили мора да биде продолжена со оглед на тоа дека тие систематски ја зголемуваат борбената готовност на војската и морнарицата, изјави денеска рускиот претседател Владимир Путин.

- Праксата на непланираните проверки на нашите сили мора да продолжи. Очигледно е дека таа пракса се покажа како систематски начин за зголемување на борбената готовност на војската и морнарицата и за зацврстување на врската меѓу различните едници, рече тој.

Во понеделникот почна непланираната проверка на руската војска во која учествуваат 8.500 лица, 900 едници на воената техника, 50 бродови и 200 авиони.