Путин: Не сум против состанок со Порошенко, но со него е тешко да се комуницира
Рускиот претседател Владимир Путин изјави дека не е против состанок со украинскиот претседател Петро Порошенко, но дека со него е тешко да се комуницира.
– Што се однесува до контактите на највисоко ниво, не сум против нив. Вистина е дека немаше разговор, но тоа не значи дека го прекинуваме секој контакт. Меѓутоа тешко е да се комуницира, бидејќи е нејасно за што треба да зборуваме, истакна Путин, на прес-конференцијата на Самитот на Г-20.
Посочи дека договорите меѓу Рисија и Украина не се испочитувани, нагласувајќи дека Русија ќе ги одржува односите со Украина во секој случај.
– Ги одржуваме работните контакти, секако. Се надевам дека тоа така и ќе остане, истакна тој.
Наведе дека Киев ја користи војната во југоисточниот дел на Украина за да ги прикрие сопствените пропусти во внатрешната политика.
Се осврна и на воената состојба што Киев, по инцидентот, ја прогласи во 10 украински региони.
– Прогласија воена состојба во 10 региони, во они каде претседателот нема голема поддршка. Тоа значи дека украинската Влада ја поделила земјата на два дела – дел на кој може да му се верува и дел на кој не може да му се верува, објасни рускиот претседател.
Забележувајќи дека Украина не прогласила воена состојба порано, кога случувањата во таа земја беа многу пострашни, Путин заклучи дека одлуката на Порошенко е поврзана со претстојните избори во земјата.
Ново на Сител
-
Приведен бегалец од затвор, баран со потерница за доиздржување на над четири години затворска казна
-
По повод 8 Септември македонското знаме кренато во Њујорк
-
Си и Путин му ја честитаа на Ким Џонг Ун годишнината од основањето на Северна Кореја
-
Атина денеска без такси превоз поради 24-часовниот штрајк на таксистите
-
Израел изврши напади врз Сирија, најмалку петмина загинати
-
Синер со победа на Фриз го освои УС Опен
-
Нападната српска амбасадорка во Мадрид
-
Одбележани 33 години независност, честитки и пораки за единство и сплотеност