Путин му изрази сочувство на Трамп поради масакрот во Тексас
Рускиот претседател Владимир Путин денеска му изрази сочувство на претседателот на САД, Доналд Трамп поради масакрот во црквата во Садерленд Спрингс, Тексас, при што загинаа 26 луѓе, а 20 повредени.
- Ве молам примете го моето сочувство по повод трагедијата која се случи во Тексас. Тешко е да се замисли побрутално и поцинично злосторство од убивање на луѓе за време на служба во црква, се наведува во соопштението објавено на интернет-страницата на Кремљ.
Трамп претходно изјави дека инцидентот во Тексас е поврзан со менталното нарушување на напаѓачот и дека оружјето не треба да се набљудува како проблем.
Напаѓачот Девин Кели беше отпуштен од военото воздухопловство поради напад врз својата жена и дете. Портпаролката на американските воздухопловни сили Ен Стефанек изјави дека Кели поминал 12 месеци во затвор по судењето пред воениот суд во 2012 година, а во 2014 година добил отказ од армијата поради лошо однесување.
Ново на Сител
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик
-
Православните верници го слават Велигден