Пуштање во употреба на системот капка по капка за производство на ориз

Министерот за земјоделство, шумарство и водостопанство Михаил Цветков денеска во Кочани ќе го пушти во употреба системот капка по капка за производство на ориз.

Станува збор за Проект на УСАИД за експанзија на мали бизниси, во чии рамки ќе биде означен почетокот на новата иницијатива за рурален развој „Одржливо производство на ориз“, преку која оваа година експериментално е обезбеден систем за наводнување капка по капка за производство на ориз во Кочани.

Проектот на УСАИД е кофинансиран од Швајцарската амбасада во Македонија, а настанот е организиран во соработка со Министерството за земјоделство, шумарство и водостопанство, Општина Кочани, Институтот за ориз во Кочани и Агенцијата за поттикнување на развојот на земјоделството.