ПСЖ го бара Пјаниќ од Рома

ПСЖ има желба во летниот преоден рок да го реализира трансферот на Миралем Пјаниќ. Францускиот шампион испратил понуда до Рома, чие раководство во средата објави дека е ставено вето за евентуалните трансфери на Пјаниќ и Раџа Наинголан.

 

Миралем Пјаниќ е интересен за неколку врвни европски тимови, а ПСЖ е првиот кој испратил конкретна понуда за неговите услуги. ПСЖ на Рома ѝ ги понудил Лукас Дињ, кој веќе настапува за Рома како позајмен играч и 20-годишниот Адријан Рабио, плус 15 милиони евра.

 

Италијанските медиуми пренесуваат дека целта на ПСЖ играта на тимот во наредната сезона да ја контролираат Марко Верати и Миралем Пјаниќ.

 

Пјаниќ кој има договор со Рома до 2018 година, во минатото играше во францускиот шампионат, во Мец и Олимпик Лион.