Прво тестирање на камерите на Galaxy S20 Ultra

Една од најинтересните карактеристики кај Galaxy S20 серијата, особено кај S20 Ultra, е системот камери и функциите со кои доаѓаат. Меѓу овие функции е и 100x Space Zoom:

Galaxy S20 Ultra е фаворит на голем дел од Android фановите. Овој премиум уред има голем, 6.9 инчен дисплеј со резолуција од 1440 x 3200 пиксели и 20:9 тело-дисплеј сооднос. Работи на Snapdragon 865 во Америка или Exynos 990 во Европа. Има 12GB RAM и 256GB меморија, а достапна е и верзија со 16GB RAM и 512GB меморија. Батеријата е со капацитет од 5000 mAh. 

Како што рековме, највозбудливиот дел се камерите. Системот камери на задната страна има нов дизајн и нови сензори. Од нив, главниот е од 108 мегапиксели. Заедно со него е присутен и втор сензор кој е од 48 мегапиксели и има функција наречена 100x Space Zoom. Има и 12 мегапикселна ултра широкоаголна камера, како и ToF сензор.