Првенците на генерацијата од Кочани ќе летуваат на островот Паг
Првенците на генерацијата од Кочани од 3 до 10 јули ќе летуваат на островот Паг, Република Хрватска. Ова е награда од општина Кочани и градоначалникот Ратко Димитровски за постигнатите успеси во школувањето.
Наградата е резултат на повеќегодишната соработка на општина Кочани со хрватската Крижевци. На одмор ќе заминат осумтемина најдобри ученици од основните и од средните кочански училишта.
По иницијатива на градоначалниците на Кочани и на Крижевци, Ратко Димитровски и Бранко Хрг, трета година се реализира меѓуопштинската соработка за летување на кочанските ученици во Паг и зимување на крижевски ученици на Пониква.
На средбата на учениците со градоначалникот Димитровски пред нивното заминување, беше истакнато дека овие две пријателски општини настојуваат да ја продлабочуваат соработката во сите сфери од живеењето, а тие во Паг ќе бидат амбасадори на Кочани и на Македонија.
Покрај бесплатното летување, учениците на генерацијата од Кочани како награда од општината добија и по 6.000 денари.
Ново на Сител
-
Јамал најмлад стрелец во историјата на големите турнири
-
Шпанија прв финалист на Евро 2024
-
Доста беше толеранција- поднесена е прекршочна пријава за ЈП ,,Комунална хигиена” – Скопје, вели Ѓоргиевски!
-
Катица Јанева се враќа во Идризово
-
Два активни пожари на територија на Велес
-
Кривична пријава против 12 лица за издавање чек без покритие и злоупотреба на платежна картичка
-
Балканот денеска е најтоплиот дел од Европа
-
Ангеловска-Бежоска - Памер: Народната банка во чекор со европските стандарди и практики