Прва лига: Карпош Соколи стигна до нов триумф

Екипата на Карпош Соколи го победи Фени Индустри со 86:80 вечерва на гостувањето во Кавадарци во претпоследниот натпревар од 12.коло од Првата македонска кошаркарска лига.

 

За гостите од Скопје ова беше 10.триумф и се првиот тим со двоцифрен број победи.

 

Предводник во победата на Карпош Соколи беше Душан Кнежевиќ со 21 поен, додека најефикасан во домашниот состав и воедно на натпреварот беше Кирил Николовски со 25 поени.

 

На другите две средби од оваа рунда:

 

Кожув – Бест 82:69,

Куманово – Струмица 94:53.

Колото ќе се комплетира в среда со вечното дерби Работнички – МЗТ Скопје Аеродром.

 

Табела: Карпош Соколи 22 бода (12 натпревари), МЗТ Скопје 19 (10), Куманово 19 (12), Кожув 18 (12), Фени Индустри 17 (11), Работнички 16 (11), Струмица 15 (12) и Бест 12 (12).