Протест против одлуката за изградба на објектот кај Мајчин дом
Граѓаните на Општина Аеродром денеска се собраа на протест откако завчера Уставниот суд донесе одлука да не поведе постапка по поднесувањето на иницијативи за ДУП И10, со што е опфатена и парцелата кај Мајчин дом.
Демонстрантите реагираат дека градоначалникот Марин треба да преземе сериозни чекори и оти како градоначалник треба да знае како да се справи.
– И понатаму бараме оставка од градоначалникот Златко Марин, затоа што се покажа дека не умее да ги исполни предизборните ветувања. Деновиве сме сведоци на менување на Уставот, тоа значи дека возможно е да се промени ДУП-от, вели Искра Манојлоска од граѓанска иницијатива „Сакаме Аедродром да дише“.
Минатиот месец во јавноста протекоа информации дека Општина Аеродром издала дозвола за изградба на зграда до Мајчин дом, по што локалните жители одржаа протест на 9 октомври. Потоа градоначалникот Марин издаде 15-дневна времена забрана за изведување на градежните работи, а жителите повторно се собраа на 10 октомври со цел да бараат зграда на тоа место воопшто да не биде изградена.
Од Општината претходно информираа дека ДУП И10 е донесен тајно и без дебата од претходното општинско раководство предводено од ВМРО-ДПМНЕ.
На 31 октомври од Општина Аеродром соопштија дека се исцрпени сите механизми за стопирање на зградата кај „Мајчин дом“ по одлука на Уставниот суд за неповедување на постапка по поднесените иницијативи за ДУП И10. Инвеститорот на зградата кај „Мајчин дом“ најави дека ќе изгради нов парк во Аеродром.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228