Просечниот животен век на Кинезите достигна 79 години

Шефот на Националниот здравствен комитет на Кина, Леи Хаичао, изјави дека просечниот животен век на Кинезите во 2024 година достигнал 79 години, што е за 0,4 години повеќе од претходната година.

Според него, со ова кинеската држава ја постигнала својата цел во рамките на планот за економски и социјален развој, пренесува државната ТВ мрежа ЦГТН.

„Во споредба со 2019 година, просечниот животен век се зголеми за 1,7 години.

Просечниот животен век во провинциите Пекинг, Тијанџин, Шангај, Шандонг, Џиангсу, Џеџијанг, Гуангдонг и Хаинан надмина 80 години“, истакна Леи.