Промовирани нов објект на полициското одделение во Камењане и реновиран објект на Полициска станица во Тетово
Министерот за внатрешни работи Оливер Спасовски денеска ги посети новоизградениот објект на полициското одделение во Камењане и реновираниот објект на Полициска станица за безбедност во патниот сообраќај во Тетово.
– Многу сум горд и задоволен сум што првиот ден од 2020 година го поминав со колегите од СВР Тетово. Објектот за полициското одделение во Камењане е целосно ново изграден со целата инфраструктура со добри услови за работа на македонските полицајци и исто за поголема безбедност во општина Боговиње. Еден дел од овој објект за полициска станица за безбедност во патниот сообраќај во Тетово е реновиран. По празниците продолжуваме со другите работи како воведување на целосно парно греење и промена на сите внатрешни врати. Четириесет години овој објект не беше реконструиран, изјави министерот Спасовски.
Освен со средства од буџетот на двата објекти се работело и со помош на донации на приватни компании.
– Двата објекти во одделението во Камењане и оваа станица се реконструирани со средства од МВР и со помош на граѓаните од Тетово и општина Боговиње со компании кои имаат општествена одговорност кои сакаат да помогнат и да вложат, а кога се вложува во македонската полиција се вложува и во безбедноста и иднината на државата, рече Спасовски.
Тој на претставниците на компаниите им додели благодарници.
Ново на Сител
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах