Промоција на нови 37 грантисти на Цивика мобилитас

Цивика мобилитас денеска во Скопје ќе  промовира нови 37 грантисти, односно акциски грантови за 15 граѓански организации, мали акциски грантови за осум граѓански организации и ад хок грантови за 14 граѓански организации.

Заедно со новите, бројот на грантисти достигна 193 поддржани организации со што Цивика мобилитас е најголемата програма за поддршка на граѓанското општество во Македонија.

Договорите на грантистите ќе им ги врачи амбасадорката на Швајцарија, Сибил Сутер Тејада.

Новата фаза на Цивика Мобилитас обезбедува поддршка за граѓанските организации и другите актери на граѓанското општество во периодот од 2014 до 2018 година. Буџетот на програмата изнесува околу осум милиони швајцарски франци кои ги обезбеди Швајцарската агенција за развој и соработка (СДЦ).