Прогласување на победниците од вториот конкурс за млад преведувач „Вавилон“
По повод Европскиот ден на јазиците, денеска во ЕУ Инфоцентарот во Скопје ќе бидат прогласени победниците од вториот конкурс на Наградата за најдобар млад преведувач „Вавилон“, организиран од Делегацијата на Европската унија и Здружението на преведувачи МАТА.
Целите на конкурсот се да се промовираат младите преведувачи и да се поттикне врвен квалитет при преведувањето литературни дела. Конкурсот е наменет за преведувачи до 26 години кои ќе пријават преводи на литературни дела од некој од 24-те официјални јазици на Европската унија на кој било од јазиците кои се зборуваат во Македонија.
Наградите се состојат од паричен износ од 500 евра, годишно членство во Здружението на преведувачи МАТА и објавување на преводот во списанието „Културен живот“.
Наградите ќе ги доделат евроамбасадорот Аиво Орав, претседателот на Здружението на преведувачи МАТА Ирена Кацарска-Кимова и Огнена Никуљски, професор од Филолошкиот факултет „Блаже Конески“ и претседател на организацискиот одбор на „Вавилон“.
На настанот ќе биде најавено и третото издание на Наградата за најдобар млад преведувач „Вавилон“ и ќе бидат соопштени детали за критериумите за наградата за 2016 година.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати