Продолжуваат протестите во Кишињев
Неколку илјади лица протестираа денеска, трет ден по ред, во главниот град на Молдавија, Кишињев, со барање за предвремени избори и против корупцијата во земјата, јави ТАСС.
Учесниците во протестите, чиј број според различни извори изнесува меѓу три илјади и 20 илјади лица, ја опколиле зградата на Националната телевизија, која е обезбедувана од полицијата.
Демонстрантите ја обвинуваат државната телевизија дека еднострано ги застапува само интересите на Владата.
Инцијатори на протестите се две проруски партии, Партијата на социјалистите на Молдавија и Нашата партија. Кон нив се приклучи и граѓанското движење „Достоинство и вистина“, кое се бори за поголема транспарентност и одговорност на власта. Претставници на демонстрантите влегоа во зградата на телевизијата и по преговорите им беше ветено директно обраќање до јавноста.
Демонстрантите во средата упаднаа во зградата на Парламентот, откако пратениците ја избраа новата проевропска Влада, предводена од премиерот Павел Филип.
Ново на Сител
-
Врвните светски параглајдеристи се натпреваруваат во Крушево
-
Се претставил како дипломат на ГП „Табановце“, приведени две лица за фалсификување исправа | ФОТО
-
Активни пожарите на Готен и во малешевијата, на Бешешки рид и уште четири други
-
Приведени четири лица за управување возило под дејство на алкохол
-
Зголемена фреквенцијата на возила на граничните премини Табановце и Пелинце
-
Засилени царински патроли на Охридско Езеро: Целосна контрола на пловните објекти за спречување криминал и избегнување на давачки
-
ЈП Водовод и канализација – Скопје: Повторно енормно зголемена и неконтролирана потрошувачка на водата
-
УХМР: Денеска до 43, од утре и следната недела пониски температури, нестабилност со пороен дожд и грмежи