Продолжува вакцинирањето за македонските граѓани на граничниот премин Станке Лисичково – Делчево

Продолжува вакцинирањето за македонските граѓани на граничниот премин Станке Лисичково – Делчево. Милена Христова, одговорно лице за регистрирање на граѓаните за вакцинација. потврди дека има голем интерес за вакцинација во мобилната канцеларија што се наоѓа во меѓуграничната зона и додаде дека закажувањето се врши без негативен резултат на ПЦР-тест.

-Има голем интерес за вакцинација, се јавуваат од повеќе градови на Република Македонија. Јас сум задолжена за нивно регистирање на списокот и можам да кажам дека со вакцинација ќе продолжиме се додека има интерес од страна на граѓаните, вели Христова, која потенцира дека вакцината е бесплатна за сите регистрирани граѓани кои претходно сакаат да се вакцинираат и ги отфрли шпекулациите за земање поткуп за сите оние кои бараат термин за вакцинација.

Вакцинирањето на гранишниот пункт Станке Лисичково – Делчево се реализира на иницијатива на бугарскиот филантроп д-р Милен Врабевски кој, исто така, иницираше и отворање на вакцинален граничен пункт на граничниот премин Златарево – Ново Село.