Продолжува амандманската расправа за Предлог-буџетот за 2024 година

Собраниската Комисија за финансирање и буџет денеска ќе ја продолжи амандманската расправа за Предлог-буџетот за 2024 година. 

За Предлог-буџетот поднесени се вкупно 272 амандмани од овластени предлагачи, од кои 250 се од пратениците на ВМРО-ДПМНЕ и Коалицијата.

Амандманската расправа за Предлог-буџетот се очекува да заврши до сабота по што тој треба да се најде на усвојување на пленарна седница. Согласно утврдените рокови, Буџетот за наредната година треба да биде усвоен во Собранието најдоцна до 31 декември.

Предлог-буџетот за следната година тежи 5,5 милијарди евра. Вкупните приходи во 2024 година се планирани на ниво од 310,1 милијарди денари и истите се за 10 отсто повисоки во однос на 2023 година, додека расходите се планирани на ниво од 343,6 милијарди денари или за околу 5,8 проценти повисоки во однос на 2023 година.