Продолжи евакуацијата на цивили од Алепо

Автобуси со цивили денеска повторно почнаа да ја напуштаат последната бунтовничка енклава во источно Алепо, по прекинот што траеше еден ден.

Конвој од 60 автобуси тргна од источно Алепо, изјави официјален претставник од ОН.

Сириската државна телевизија, исто така, објави дека евакуацијата повторно почнала, со што се исполнуваат услови Владата да преземе контрола врз целиот град.

Тоа е последен конвој што треба да го напушти Алепо пред Владата во Дамаск да прогласи дека целосно има контрола врз Алепо, првпат од 2012 година.