Македонија
15. March 2023 - 8:31

Продолжение на 71. седница во Парламентот

Собранието денеска треба да ја продолжи 71. седница, на која на дневен ред се повеќе точки.

Се очекува пратениците да дебатираат за годишните извештаи на Народниот правобранител за степенот на обезбедувањето, почитување, унапредување и заштита на човековите слободи и права 2021, за работата на Судскиот совет за 2021 и на Државната комисија за спречување на корупцијата за 2021 година.

На оваа седница на дневен ред е и Интерпелација за работата на претседателката на Комисијата за политички систем и односи меѓу заедниците, Соња Мираковска, поднесена од пратениците од ВМРО-ДПМНЕ, Годишен извештај за работата на Државната комисија за жалби по јавни набавки за 2021 година, измени и дополнување на Законот за пензиското и инвалидското осигурување, по скратена постапка, Информација за пописот на населението, домаќинствата и становите во Република Северна Македонија, 2021 година и друго.