Привршува уредувањето на велешкото езеро „Младост“
Викендов градежни екипи ангажирани од општина Велес интензивно работат на завршување на градежните работи за уредување на крајбрежјето на велешкото езеро „Младост“.
Се проширува и асфалтира патот на клучката кај двата мотели, се закрпуваат дупките, се средува пешачката патека околу езерото и нејзината околина, а се уредуваат и локации со камена подлога и се поставуваат дрвени настрешници со клупи и маси за посетителите.
Од општината информираат дека се уредува и крапската патека за спортски риболов, а работите интензивно се одвиваат пред почетокот на годинешната летна сезона.
Како што појаснува градоначалникот Славчо Чадиев целта е крајбрежјето на езерото „Младост“ да стане уште попознат рекреативен центар за граѓаните на Велес, Скопје и други градови, но и за привлекување на што повеќе странски туристи.
За уредувањето се обезбедени средства во висина од 6 милиони денари од Агенцијата за поддршка на земјоделството и руралниот развој, а работите започнаа на 11 февруари годинава, информираат од општина Велес.
Во рамки на проектот кој се реализира во изминатите два и пол месеци се поставени 88 клупи, 29 маси, 31 корпа за отпадоци и 41 настрешница, а се поплочени 1.700 метри квадратни површина.
Како што информираат од општината работите се интензивираат за да биде навреме завршено за првомајските празници и популарниот првомајски излет на велешани кај езерото „Младост“.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО