Приведени тројца криумчари на мигранти, пронајдени седум мигранти од Сирија

На 28.04.2023 во 22,45 часот од страна на полициски службеници за ГП и ГН Богородица во координација со полициски службеници од ПС за ГН Михајлово, на регионалниот пат Демир Капија- Неготино, во близина на Прждевски споменик, сопрено е патничко моторно возило „голф“ со тетовски регистерски ознаки, управувано од М.Р. (27) од Тетово  и при преглед на возилото пронајдени се седум мигранти од Сирија.

Запрено е и возило „голф“ со тетовски регистерски ознаки, управувано од К.Б. (29) од Боговиње, а совозач бил Џ.А. (33) од Боговиње, кое служело како претходница. Тројцата криумчари на мигранти се приведени во полициска станица, известен е јавен обвинител и по документирање на случајот ќе биде поднесен соодветен поднесок.