Приведени над 2.000 лица во протестите по претседателските избори во Минск
По тридневен прекин повторно има мобилен интернет во Минск и од утрово, корисниците почнаа да примаат пораки, повеќето страници се отвораат, вклучувајќи извори на вести.
Ситуацијата во центарот на Минск е мирна.
Интернетот во Минск беше прекинат на денот на претседателските избори – 9 август. Според претседателот Александар Лукашенко, причина за проблемите со врската се кибер напади од странство. Во сите три дена од тогаш, во белорускиот главен град се случија насилни протести, откако резултатите од изборите покажаа победа за Лукашенко.
Белоруските власти соопштија дека уапсиле над 2.000 лица за време на протестите во понеделникот вечерта.
Министерството за внатрешни работи соопшти дека 21 полицаец е повреден, од кои пет хоспитализирани.
Лидерот на опозицијата Светлана Тихановскаја ги повика своите сограѓани да не се спротивставуваат на полицијата и да не ги ризикуваат своите животи. Таа побегна во Литванија со своите деца по контроверзната победа на долгогодишниот лидер Александар Лукашенко на претседателските избори во неделата.
Властите вчера соопштија дека властите уапсиле околу 3.000 демонстранти.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи