Приведени две лица барани по потерница

Полицијата вчера и денеска приведе две лица од Скопје, Д.Д.(39) и  М.А.(41), барани по потерница за доиздржување на затворска казна.

Од МВР информираат дека денеска во Скопје бил лишен од слобода скопјанецот Д.Д.(39). Лицето се барало со Централна потерница, а по наредба од Основен кривичен суд-Скопје од 26 јули годинава за бегство од Казнено поправна установа Идризово, каде издржувал казна за сторено кривично дело „измама“, осуден на казна затвор во траење од пет години и девет месеци.

Лицето е предадено во ПС Аеродром за понатамошна постапка.

- На 9 август, вчера, во 17:40 часот, од страна на полициски службеници од Единицата за интервентна полиција при СВР Скопје, во село Студеничани, скопско, приведено е лицето М.А.(41) од Скопје. Лицето се барало со Централна потерница, а по наредба од Основен кривичен суд-Скопје од 15 март 2024 година за приведување поради сторено кривично дело „неовластено производство и пуштање во промет на наркотични дроги, психотропни супстанции и прекурсори“. Тој бил осуден на казна затвор во траење од седум години и шест месеци, при што за доиздржување има уште една година, шест месеци и 20 дена, соопштуваат од полицијата.

Лицето е предадено во ПС ОН Драчево за понатамошна постапка.