Приведени дрвокрадци во радовишко

Полицијата вчера ги лишила од слобода М.О.(69) и Ш.Ј.(45) од село Бучим кои во атарот на селото биле затекнати при вршење бесправна сеча на дрва, кои ги товарале во трактор со приколка.

- Од вработени во Шумска полиција Радовиш тракторот и приколката биле одземени, а при лишувањето, Ш.Ј. агресивно се однесувал кон полициските службеници. За настанот бил запознаен јавен обвинител од Основното јавно обвинителство Радовиш и по документирање на случаите против лицата ќе бидат поднесени соодветни пријави, информира МВР.