Приватни специјализанти на протест пред МЗ - Писмен договор за плата, а не да зависат од волјата на политичарите

Приватните специјализанти запишани на конкурсот 2019 протестираа пред Министерство за здравство.

Бараат да бидат платени за тоа што го работат како и останатите нивни колеги. Иако минатиот месец министерот им вети дека ќе добиваат пари од февруари, за специјализантите тоа не е гаранција дека ќе се случи.

Не усно ветување, туку писмен договор и измени во Законот за здравствена заштита каде ќе влезат и приватните специјализанти се барањата на младите лекари. Работат без пари и доколку не наидат на разбирање кај надлежните им порачаа на здравствените власти дека ќе заминат во странство.

Сања Димитровска