Пристап до интернет имаат 69,4 проценти од домаќинствата
Во првиот квартал годинава 69,4 проценти од домаќинствата во Македонија имале пристап на интернет од дома, што е за еден процент повеќе во споредба со истиот период лани, објави денеска Државниот завод за статистика.
Учеството на домаќинствата со широкопојасен интернет во вкупниот број на домаќинства е зголемено од 67,7 проценти во 2014 година, на 69 проценти годинава. Речиси сите, 99,5 проценти, од домаќинствата со интернет-пристап, имале широкопојасно (фиксно или мобилно) поврзување на интернет.
Од вкупното население на возраст од 15 до 74 години, во првиот квартал годинава компјутер користеле 69,2 проценти, a интернет 70,4 проценти.
Интернет најмногу користеле учениците и студентите, односно 94,7 проценти, а 71,2 проценти од корисниците на интернет во првото тримесечје од годинава употребиле мобилен или паметен телефон за пристап на интернет надвор од дома или од работа.
Над 15 проценти од лицата кои кога било употребиле интернет, нарачале/купиле стоки или услуги преку интернет во последните 12 месеци, а мнозинството, 66,9 проценти, од нив, купиле облека или спортска опрема.
Од лицата што не купувале преку интернет во последните 12 месеци, речиси 80 проценти претпочитаат да купуваат лично во продавница, сакаат да го видат производот, од навика и сл., а 28 проценти не купувале поради загриженост за безбедноста при плаќањето или приватноста (давање податоци од кредитна картичка или лични податоци на интернет).
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата