Пријавени две семејни насилства во тетовско

Во тетовската полиција во текот на вчерашниот ден се пријавени два случаи на семејни насилства. Првиот се случил во дом во Тетово.

-Шеесетгодишна жителка на Тетово во 15 часот и 10 минути, во СВР Тетово пријавила дека нејзиниот 65-годишен сопруг подолго време психички ја малтретирал, и се заканувал по животот и во алкохолизирана состојба, се обидел физички да ја нападне, информираат од СВР Тетово

Вториот случај е во едно од тетовските села.

-Дваесетгодишен жител на тетовско село вчера во СВР Тетово пријавил дека дента околу 18 часот и 40 минути, во неговиот дом, по куса вербална расправија, пред најблиските кои ги разделиле, физички бил нападнат од 40-годишниот вујко, информираат од полицијата.

За двата случаи се преземени активности за документирање и расчистување на пријавите.