Превц победи во Гармиш

Словенечкиот ски-скокач Петер Превц победни на денешниот натпревар од Новогодишната турнеја „Четири скокалници“ што се одржа во германскиот Гармишпартенкирхен. Тој во двете серии имаше скокови со должини од 133,5 и 136 метри и собра вкупно 272,7 поени што му ја донесе и првата победа на скокалница од Новогодишната турнеја.

Второто место по одличниот скок во втората серија го освои Кенет Гангнес од Норвешка. Тој освои 260,1 поен (скокови 132 и 134 метри). На третото место на подиумот се искачи Германецот Зигмунд Фројнд кој имаше скокови со должина од 133,5 и 132,5 метри и освои 256,8 поени.

Два два одржани натпревара од Новогодишната турнеја води Превс со 572, 6 поени, пред Фројнд кој има 564, а третопласиран е Австриецот Михаел Хајбек со 551,5 поени. Во генералниот пласман Превц, за кого ова беше четврта победа сезонава е лидер ос 724 бодови, пред Фројнд со 559.

Следниот натпревар ќе се одржи на 3.јануари во недела во Инсбрук.