Претседателски избори во Португалија, земјата во „локдаун“
Жителите на Португалија, кои главно се наоѓаат во своите домови поради строгиот „локдаун“ воведен со цел да се спречи ширењето на Ковид-19 во земјата, денеска избираат нов претседател, но многумина стравуваат дека излегувањето на изборите би можело да го влоши растечкиот број на новозаразени од коронавирус, па затоа се очекува мала излезност.
Анкетите на јавното мислење покажуваат дека актуелниот претседател Марсело Ребело де Соуса од Социјалдемократската партија најверојатно лесно ќе победи на изборите за шеф на државата, кој главно има церемонијални задолженија.
Левичарската кандидатка Ана Гомеж е на второ место, според прогнозите, со 13,5 – 14,5 отсто поддршка од гласачите, а лидерот на десничарската популистичка партија „Доста“, Андре Вентура е трет со поддршка од 10 – 12,5 отсто.
Минатата недела во спроведена анкета на истражувачкиот институт ИСЦ/ИСЦТЕ, речиси две третини од испитаниците изјавиле дека изборите треба да се одложат поради пандемијата на Ковид-19. Но одложувањето на изборите би барало и промена на Уставот на земјата, за што официјални претставници изјавиле дека тоа не е можно во краток рок.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот