Претседателот Пендаровски на средба со делегација на МАНУ
Претседателот Стево Пендаровски денеска имаше средба со делегација на Академијата на науките и уметностите на Република Северна Македонија – МАНУ, предводена од претседателот Таки Фити.
На средбата, како што информира кабинетот на претседателот, биле разменети мислења за состојбите во државата, при што било констатирано дека МАНУ има клучна улога во развојот на општеството, преку науката и научната мисла и негувањето и унапредувањето на уметностите.
Од страна на претседателот Пендаровски било истакнато дека е неопходно државата континуирано да ја консултира Академијата за сите суштински прашања од политичката, економската, социјалната и културната област.
Делегацијата на Академијата изразила подготвеност за натамошна соработка во интерес на граѓаните и на државата.
Двете страни разговарале и за тековната работа на Академијата и за потребата од постојано инвестирање во науката како клучен предуслов за одржлив општествен развој на државата. Академик Таки Фити го информирал претседателот за активностите на Академијата кои вклучуваат голем број научно-истражувачки проекти и учество на домашни и меѓународни конференции.
Популарно од Македонија
Ново на Сител
-
Во ГОБ „8-ми Септември“ повторно работи неврохируршката служба, оперирани двајца пациенти
-
Алиу на онлајн-состанок со странски експерти за кардиохируршки интервенции - процесот го водиме за независен стручен увид на состојбата
-
Словенечки вештак сведочи за несоодветни терапии во случајот „Онкологија“, судењето продолжува утре
-
Обезбедување украло бакарни кабли вредни 200.000 евра од градилиште во Центар
-
Андоновски: Се заокружува проектот за Центар за побезбеден интернет во Македонија
-
Средба Ѓорѓиевски - Канел: Нов импулс за соработка во образованието, културата и локалниот економски развој
-
Албанскиот премиер Рама реагираше по протестот и насилствата на опозиција, во кој се повредени 19 полицајци, а приведено е 21 лице
-
Со „рено“ удрил во 69-годишна жена па избегал
