Прерано е да се споредува Нејмар со Пеле, смета Мурињо
Ѕвездата на Париз Сен Жермен ќе мора да забележи поголеми успеси со Бразил, пред да може да се споредува со Пеле и со останатите легенди на „селесао“. Ова е мислењето на менаџерот Жозе Мурињо.
Португалскиот стратег призна дека напаѓачот е еден од најимпресивните играчи во светот, но на ниво на клуб. Неговите неуспеси со репрезентацијата не му дозволуваат да стапне толку високо, како и останатите ѕвезди на националниот тим од блиското и не толку блиско минато.
– Нејмар е фантастичен талент и никој не може да се сомнева во тоа. Тој дојде во Европа и веднаш почна да победува. Мислам дека ги забораваат играчите кои во еден момент беа најдобри во светот како што се Роналдо и Ривалдо… цитирам двајца, но има многу повеќе. Тие исто така играа во Европа и беа фантастични, но тие, исто така, имаа специјални моменти на меѓународно ниво, рече Жозе.
Според него, Нејмар ќе продолжи да се бори да остане во елитата на Европа каде што е веќе.
– Но, успехот со Бразил ќе продолжи да биде сон за него, додаде поранешниот тренер на Манчестер Јунајтед.
Ново на Сител
-
Тема на денот со Александар Даштевски, претседател на ДИК
-
Мостот „Беласица“ целосно функционален
-
Зошто Токсикологија не почитува мерки на надлежни институции
-
Ќе се врати ли старата цена на осигурување за регистрација на возилата?
-
Обвинителството со огромен број докази за распределбата на спортски ваучери
-
ДУИ притиска: Без нас нема Влада - Од ВМРО-ДПМНЕ децидни Ахмети останува во опозиција
-
Парламентарни избори 2024
-
Вапцање велигденски јајца в зори на Велики Четврток