Премиерот Заев ќе ги бодри репрезентативците во Букурешт

Денес со почеток во 18 часот репрезентацијата на Македонија ќе ги одмери силите со Австрија. Тоа ќе биде деби настап за македонската репрезентација на Европските натпреварувања.

На „Националната арена“ во Букурешт ќе има нешто повеќе од 2.000 македонски навивачи, а меѓу нив ќе биде и премиерот Зоран Заев. Тој ги испрати фудбалерите во Букурешт минатиот вторник на скопскиот аеродром и тоа токму пред полетувањето, откако ФФМ претходно не му дозволи средба со фудбалерите поради пропишаните протоколи од страна на УЕФА.

Во Букурешт има голем број на македонски навивачи иако само малкумина од нив ќе успеат да навиваат од трибините.