Loading Video...
Свет
2. April 2025 - 12:25

Преглед на вестите од светот

Најмалку 8 лица се повредени во напад на руски дрон врз украинскиот град Харков. Според локалните медиуми биле извршени 15 напади, а пожари избувнале на околу 1500 метри квадратни. На терен се противпожарните екипи, како и спасувачките екипи кои им помагаат на населението. Оштетени беа неколку стамбени згради, а на други имаше искршени прозорци. Населението од тој регион беше евакуирано.

Украинскиот претседател Володимир Зеленски изјави дека во петок ќе се сретне со претставници на мала група земји кои сакаат да го вклучат својот воен персонал во меѓународниот контингент што ќе биде распореден во Украина, јавија британските медиуми.

Зеленски на денешната прес-конференција со германската министерка за надворешни работи Аналена Бербок рече дека очекува поконкретни одговори од сојузниците на Киев за нивната подготвеност да го поддржат формирањето на таков контингент.

Русија категорично се противи на оваа иницијатива, забележуваат британските медиуми.

Администрацијата на аериканскиот претседател Доналд Трамп дошла до заклучок дека е малку веројатно постигање на договор за мир во Украина во „следните неколку месеци, коментираат дел од американските медиуми повикувајќи се на службеници запознати со ситуацијата. Белата куќа започнала да развива нови механизми за притисок и врз Москва и врз Киев.

Советот на државната управа на Мјанмар прогласи седумдневна национална жалост, од 31 март до 6 април, за жртвите од страотниот земјотрес. Вторникот беше одреден како официјален национален ден на жалост и знамињата беа на половина копје, а сирените се огласија за одбележување на свечениот настан низ целата земја

Медиумите низ Мјанмар ја прекинаа својата редовна програма во вторникот за време на активностите на жалост.

Бројот на загинати од земјотресот се искачи на 2.719, при што повеќе од 4.500 луѓе се повредени, а над 440 се водат како исчезнати.