Прегазено шестгодишно дете на патот Хиподром-Јурумлери, со тешки повреди згрижено на Клиника

Вчера во 15,30 часот во Секторот за внатрешни работи Скопје било пријавено дека на регионалниот пат Хиподром - Јурумлери, кај место викано „Дунек“ патничко моторно возило “Сеат“ со скопски регистерски таблици управувано од Ј.И. (58) од Скопје удрило во дете на возраст од шест години.

Во незгодата детето се здобило со тешки телесни повреди и било пренесено и задржано во Комплекс клиники “Мајка Тереза“.

Извршен бил увид на местото на настанот и се работи на целосно расчистување на случајот.