Предизборен молк во Босна и Херцеговина
– Во Босна и Херцеговина денеска е предизборен молк пред утрешните општи избори во земјата.
Околу 3,3 милиони луѓе од вкупното население на Босна од 3,5 милиони ќе имаат можност да одлучат кој босански Србин, Хрват и муслиман ќе ги претставува во колективното тричлено Претседателство, кое на ротирачка основа е предводено од еден на претставниците на трите заедници.
Според Дејтонскиот мировен договор, со кој заврши војната во БиХ (1992-1995 година), земјата е поделена на два полуавтономни дела – Република Српска, населена главно со босански Срби (31 отсто од целото население на Босна) и Муслиманско-хрватската федерација, односно Федерација БиХ, каде што живеат претежно босански муслимани – Бошњаци (околу 50 проценти) и босански Хрвати (15 проценти).
Покрај членовите на Претседателството, Босанците ќе избираат и свои претставници во долниот дом на националниот парламент, парламентите на двете конститутивни единици, како и во парламентите на десетте кантони на ФБиХ. Република Српска ќе избира и претседател и потпретседатели.
Граѓаните ќе можат да избираат меѓу 72 партии, 17 независни кандидати и 38 коалиции, соопшти Централната изборна комисија (ЦИК).
Над 3.700 набљудувачи се акредитирани за изборите.
Според прелиминарните проценки на ЦИК, изборите ќе чинат 12.528.000 конвертибилни марки (околу 6.264.000 евра).
Ново на Сител
-
Ангелов: Пожарот во Трубарево е изгаснат, но има силно чадење, ноќеска повторно гореше и во „Дрисла“
-
Тошковски: Нема радијациско зрачење од пожарот во Трубарево, а над 400 метри од центарот на жариштето не е измерена загаденост
-
Илјадници Американци му оддаваат почит на убиениот Чарли Кирк
-
Експлозив поставен пред хотел во Драч, полицијата изврши контролирана експлозија
-
Тошковски: Господ не може да ме убеди дека четири пожари на депонии за три дена се случајност
-
Претпладне облачно со сончеви периоди, попладне и во текот на ноќта дожд
-
Приведен управителот, управувачкиот комитет за кризи заседава во МВР
-
Орбан: Европа под водство на Фон дер Лајен оди кон провалија