Познати полуфиналистите на ЕП за ракометарки до 19 години

 

 

 На европскиот јуниорски шампионат за ракометарки до 19 години, што се одржува во Словенија, познати се полуфиналните двојки.

 

Во борбата за медали ќе играат, Унгарија - Франција и Данска - Русија.

 

Ова е исходот по одигрувањето на средбите од последното коло во втората рунда од групната фаза, во која овие четири селекции ги освоија првите две места во своите групи.

 

Денеска на првенството е слободен ден, а полуфиналните средби ќе се играат утре во термините од 15:00 и 17:30 часот.

 

Утре пак од 14:30 часот селекцијата на Македонија ќе игра против Португалија во меч од разигруваат за пласман од 13 до 16 место во кое втората двојка ја сочинуваат Србија и Хрватска.