Loading Video...
Фудбал
26. July 2020 - 19:45
Познати евентуалните противници на ФК Силекс во ЛШ
Фудбалерите на Силекс се во ек на подготовките за стартот на домашното првенство но и настапите во фудбалска Европа. Денеска се комплетира листата на можни противници за првото квалификациски коло од ЛШ а извлекувањето е закажано за 9-ти август.
На листата се силни екипи, атрактивни, звучни но и екипи кои отсекогаш биле незгодни противници за македонските клубови.
Можеби најпосакуван ривал е шкотскиот гигант Селтик но и поранешниот европски првак Црвена Звезда, унгарскиот Ференцварош и бугарскиот Лудогорец.
Иако македонскиот фудбал е слабо рангиран па Силекс е во групата на неносители сепак има тука и екипи кои можат да се елиминираат како Литванската Судува, Сарајево од БиХ и ирскиот Дандалк.
Останатите се познати екипи од Полска, Азербејџан, Израел, Словачка, Кипар, Романија, Казахстан и тн.
Според пропозициите се до плеј-оф фазата ќе се игра по еден натпревар поради пандемијата со корона-вирусот а домаќинот ќе биде одреден со ждрепка. Сите екипи кои ќе бидат елиминирани во 1-то квалификациско коло ќе ги продолжат натпреварите во Лига Европа. Извлекувањето е на 9-ти август.
-
Зоран Николовски
Сите содржини од овој новинар
-->
-->