Пожарот во Берлин ставен под контрола

Противпожарните екипи во главниот град на Германија го ставиле под целосна контрола пожарот што пред 14 часот избувна во „Европа Центарот“ лоциран на една од најфрекфентните берлински улици.

Во гаснењето на огнот учествувале 60 членови на противпожарната бригада, која заедно со одделот за пиротехника во берлинската полиција сеуште не можат да утврди кои се причините за пожарот кој го вознемири главниот град на Германија.

Според медиумите во прашање најверојатно е технички проблем кој предизвикал оган на дрвената конструкција на врвот од зградата изградена пред околу поливина век, пренесува дописникот на МИА од Берлин.

Како последица на пожарот запрена е ротацијата на симболот на компанијата „Мерцедес“, кој што се се наоѓа на последниот кат и важи за еден од туристичките симболи на Берлин.

Дел од медиумите јавуваат дека во првите минути откако пожарот е забележан полицијата сакала да испрати специјални единици за борба против тероризам но сепак по итната евакуација на „Европа Центарот“ не дошло до распоредување на полициски сили.

Северниот дел на земјата по инцидентот во Хемниц и за време на потрагата по Сириецот Ал Бакр кој сакал да нападне некој од аеродромите во Берлин неколку дена беше под зголемен ризик од терористички напади.