Пожарникарите со помош на мештаните цела ноќ го гаснеа пожарот кај Кондово

Цела ноќ гореше нискостеблеста шума во близина на скопското село Кондово. Поради силниот ветер жителите на селото беа исплашени пожарот да не зафати и дел од куќите. Некои од жителите ги напуштаа своите домови. Девет противпожарни возила се обидуваа да го локализираат пожарот.

Пожарникарите цела ноќ се бореа со пожарот кај Кондово Од Центарот за управување со кризи велат дека во гасењето на огнот учествуваат 4 цистерни, 25 пожарникари, 9 возила на територијалната противпожарна единица и 50 лица од месното население. Помош е побарана и од општина Сарај, од град Скопје за дополнителни сили од комуналните служби и цистерни со вода од ЈП„Водовод и канализација“ и ЈП „Комунална хигиена“.

Оџата од селото ги повика мештаните да се смират, колку можат да помогнат и да го ослободат патот за противпожарните возила.

Пожар во Кондово имаше и во средата.