Пожари во Чиле

Пожари зафатиле околу 130.000 хектари шума во Чиле и состојбата се усложнува поради силен ветар, соопштија властите. Три лица ги загубиле животите во пожарите кои погодија региони во централниот и јужниот дел од државата меѓу кои и реон близу пристанишниот град Валпараисо и главниот град Сантјаго.

– Не е исклучено дел од пожарите да се подметнати намерно, изјави пред парламентот министерот за внатрешни работи Марио Фернандес.

Претседателката Мишел Бачелет одложи патување во Доминиканската Република каде требаше да учествува на латиноамериканска средба на високо ниво.