Пожар во село Чешиново: Изгореа амбар, магацин, трактор и вреќи со ориз

Пожар во помошни објекти во двор на жител на с. Чешиново. Изгореле трактор, амбар, магацин и вреќи со ориз.

- На 24.07.2021 околу 03.00 часотво Полициската станица Кочани било пријавено дека во с.Чешиново настанал пожар во помошни објекти од дворното место на куќа сопственост на Г.И.(43). Од пожарот целосно изгореле кровната конструкција на гаражата, амбарот и магацинска просторија, еден трактор и вреќи со ориз и други предмети. Пожарот бил изгаснат од екипа на Територијалната противпожарна единица Кочани, а повредени лица нема, информира МВР.

Увид извршила екипа од ОВР Кочани.