Пожар во млекара во велешко Ногаевци

Во пожар што избувнал изутрината околу пет часот во млекара во село Ногаевци изгореле кровната конструкција и дел од машините.

По брза интервенција на противпожарната единица од Велес со две возила и едно од Неготино, како и цистерна од ЈКП Дервен од Велес, пожарот бил изгаснат во 10  часот и 30 минути, информираа од Територијалната противпожарна единица Велес.

Како што изјави Љупчо Лепидовски, командир на ТППЕ Велес, во пожарот изгрела кровната конструкција и дел од машините во млекарата.

Увид на лице место се уште врши екипа на СВР Велес.

Материјалната штета ќе се утврдува дополнително.