Повторно во употреба тениското игралиште во с.Шишево

Тениското игралиште „Мајка Тереза“ во село Шишево, општина Сарај изградено во 2011 година од Агенцијата за млади и спорт по извршените интервенции од страна на надлежните институции денеска повторно е достапно за граѓаните.

Санираното тениско игралиште од денеска ќе биде достапно за сите граѓани на Шишево и општина Сарај, а со игралиштето ќе менаџира Месната заедница.

На терен денеска беше и директорот на Агенцијата за млади и спорт, Марјан Спасески кој упати апел до сите градоначалници во Р.Македонија каде што Агенцијата за млади и спорт има изградено спортски објекти, совесно и одговорно да стопанисуваат со спортските објекти, а тие се многу.

-Само во изминативе години преку АМС низ целата држава се изградени преку 60 спортски објекти, а во изминативе неколку години преку АМС и преку МОН  се изградени и реконструирани  повеќе од 200 спортски објекти низ целата држава, рече Спасески. 

Спасески ги повика и граѓаните совесно и одговорно да се грижат за спортските објекти во текот на нивното функционирање и користење бидејќи само на тој начин ќе можеме овие спортски објекти кои што ги гради државата и Владата, а се од јавен интерес можат да бидат максимално искористени и да имаат подолг век на траење.

-Сакам да ја поздравам иницијативата на градоначалникот веднаш по нашата реакција и состанокот кој што го имавме пред неколку денови во општината Сарај, веднаш излегоа на терен технички екипи и го санираа игралиштето.